2023: Koh wa zaiyi gwamnan Kano tsakanin Gawuna da Jibrin?

2023: Koh wa zaiyi gwamnan Kano  tsakanin Gawuna da Jibrin?

Yawanci Gwamnoni idan sun  gama zangon mulkinsu na karshe,  sukan komowa  su nemi sanata a mazabun nasu.

Hakan yasa magoya bayan Sanata Barau Jibrin suke share masa hanya akai yana da alaka ne da zaton da suke da shi ne na mai girma Gwamnan Kano Dakta Abdullahi Umar Ganduje, cewar  zai iya zuwa ya nemi takarar  kujerar sanatan Kano ta Arewa bisa al’ada.

Dan haka suke ganin ba wanda ya cancanci a musanya shi ya gaji kujerar Gwamnan kamar Sanata Barau Jibrin din duba da cewa shine sanatan  mai wakiltar Kano ta Arewa.

A daya bangaren suma magoya bayan mataimakin gwamnan  jahar Kano dakta Nasir Yusuf Gawuna suna  ganin shi yafi cancanta a matsayinsa na lamba Biyu, yayin da suke iza angizo da nuna bukatar ga mataimakin Gwamnan a nan gaba,domin  kuwa mutum ne mai karamci tare da  rikon amana, hakan yasa  Gwamna ya dauko shi yana kwamishina akayi masa mataimakin Gwamna a zangon mulki na farko sannan kuma aka  sake cin zabe dashi a zango mulki  na biyu cewar su.

Sai dai wasu na ganin kamar ya yi wuri har a soma tunanin wanda zai gaji Gwamnan duba da cewa ko  watannishida ba’a rufa ba da sake rantsar da Gwamna Ganduje a wa’adin mulki na na biyu.

Sannan kuma ga shari’ar  gwamnan Ganduje  da   Abba Kabir na jam’iyyar PDP kan kujerar Gwamnar tana nan a kotu.

Amma duk da haka wasu na ganin ba wata matsala bace  dan  wasu sun fito suna nuna bukatar wasu da suke ganin sun cancanta su nemi takarar Gwamnan a 2023.

Ba yakin neman zabe bane kamar wani fatan alkhairi ne da suke musu wanda koda yaushe ana iya yi wa mutum a kowane lokaci.